حين تنفجر العين باكية لتوديع اعز ماتملك ليس هنالك سوى ورقه ومرسام يخط بهما اعذب
الكلمات وارق الابيات فهذا ما فعله جدي حينما اراد ان يوصي خالي !!!
أشوف دياني وقف على الباب
يبي الوفا مني ويطلب حسابه
يافيصل أودعك توديع الأحباب
لاتحتري إنه يجي من غيابه
غيبه دهر ماهي شهر عد وحساب
في مظلم ينهال فوقي ترابه
أبيك ماتجزع وتفزع وترتاب
إن جاك من ينعى ويشلع ثيابه
عمر البكا مافاد حي ولاثاب
لوسر غيرك كان سر الندابه
اعزم وشم واصعد من المجد مرقاب
واطلب لأبوك انه يخفف عذابه
وعليك بأخوانك وربعك والأقراب
حقي عليك مواصلك للقرابه
ومن بينكم لاينقل الهرج سباب
ترى دمار الدار نقل السبابه
ومن الرجال الى تخيرت الأصحاب
تخير إللي مايغير جوابه
مغلاق باب الشر حلال الأنشاب
زبن الدخيل إلى انقضى جنابه
وابعد عن الدوني ولو مرة طاب
لزوم يظهرلك مرار عيابه
كل يعوض به كود النسابه
وانشد عن المربي ترى العرق جذاب
عرق الردي لابد يجذب جذابه
سلمت يمناااااك يابو محمد
اتمنى ان القصيده اعجبتكم
